Een Gânk döar 't aule Uelsen

- Schlußwort -

Nuw kumm ik an 't Äinde van mien Gânk döar 't aule Uelsen. Ik sinn nich als bijlangs kömmen. Dat sall ok denn een off annern wall vernömmen hemmen. Dat bint de Stees, de ik nich van kläin off an käind heb. Üm 't Stück ok nich to lânk to maken, heb ik mij hoast alleen doâr uphollen, wu Veranneringe ientred bint. Wisse bint de Löö, de 't ditt off dat better wetten hadden, men ik heb 't soa upschrewen wu ik et met miene Kinneroagen en -oâren seen en höard heb.

En nuw 'n paar Riegen ut een Gedicht van Karl Naber:

Soa göink et to ien frogre Tied,
vöar lange, lange Joâren.
Völl van Röste bint wij kwiet,
en hebt doârmet et Beste verloâren.
De Tied löpp foârd, en wij loopt met,
dat loat ouns wään 'ne Leär,
want noa 'nen kotten off langen Sett,
dann bint wij de ok nich meär.

 

 

Ut: Bäinthemsche Joârbook [Bentheimer Jahrbuch] van 1987, Booksiede 279 - 298;
hier iets offkött' en oawerarbäid' döar de Autor

 

Zu den Fußnoten